Areeiro recibirá as visitas de Agro 21, alumnos de xardinería de camiños de Mos e de Saude Ambiental do Ricardo Mella de Vigo

A Estación Fitopatolóxica do Areeiro recibirá, nos vindeiros días, as visitas de representantes de Agro 21 e alumnos do módulo de xardinería do obradoiro de emprego "Camiños de Mos" e do Ciclo Superior de Saúde Ambiental do I.E.S. Ricardo Mella de Vigo.

A sociedade Agro 21 visitará o centro dependente da Deputación hoxe, 16 de maio. Os alumnos do Ricardo Mella acudirán a Areeiro o día 27 de maio, ás once e media, en número de 15 rapaces, acompañados por dous profesores. mentres que os quince alumnos do obradoiro "Camiños de Mos" coñecerán a Estación o día 4 de xuño, ás nove horas, logo de visitar o Centro de Investigación e Información Ambiental de Lourizán, co obxecto de coñecer as diferentes pragas e enfermidades que afectan ás plantas.