|
A Deputación anunciou o fallo emitido polo xurado cualificador dos traballos presentados ós Concursos Escolares convocados polo Museo de Pontevedra.
Así, alumnos de cuarto de Primaria do C.E.I.P. Ponte Sampaio (Pontevedra) gañaron o concurso 'Alfredo García Alén' co traballo 'Medas e bardeiros', realizado baixo a dirección da profesora María del Carmen Cid Cadavid. O premio consiste nunha de tipo cultural a centros de Galicia.
Ademais, dentro do concurso 'Alfredo García Alén', o xurado acordou conceder unha mención especial, concedendo un lote de libros á biblioteca do centro do C.E.I.P. San Bartolomeu de Tremoedo (Vilanova de Arousa) polos traballos realizados sobre 'As cantas dos nosos maiores' e 'Adiviñas con ingredientes relacionados con comidas típicas do entroido' por alumnos de 4º curso de Primaria, baixo a dirección da profesora Begoña Montáns Pereira.
Dentro dos concursos 'López Suárez – Castillejo' resultou premiado cunha viaxe cultural o traballo 'A anguía, un peixe misterioso', elaborado por alumnos do terceiro ciclo de Primaria do C.E.I.P. Ponte Sampaio (Pontevedra), dirixidos pola profesora Sara García Fernández.
O C.E.I.P. San Bartolomeu de Tremoedo (Vilanova de Arousa) tamén se fixo acredor dun premio especial dun lote de libros polo traballo sobre 'A nosa riqueza vitivinícola', realizado por todo o alumnado do centro.
Na modalidade de narrativa obtiveron os primeiros premios Marcos González Nanín, do primeiro ciclo do C.E.I.P: Álvarez Limeses de Pontevedra, polo conto 'Unha viaxe a través do tempo'; Lorena Durán Baeza, de segundo ciclo do mesmo colexio, por 'O rato de biblioteca'; e Celia Rosendo Piñón, de terceiro ciclo do C.E.P. Riomaior de Vilaboa, por 'A formiga aventureira'.
Pola súa banda, os accésits recaeron nos contos 'Ana e a princesa', de Uxía Lorenzo Figueroa, de primeiro ciclo do C.E.I.P. Vidal Portela de Pontevedra; 'A dragoa Cleopatra', de Iria Casal Solla, de segundo ciclo do C.E.P: Riomaior de Vilaboa, e 'Luns, martes, mércores…', de María Preciosa Prado Díaz, de teceiro ciclo del C.E.I.P: San Vicente de Trasmañó (Redondela).
Na modalidade de poesía foron outorgados os primeiros premios a Alejandro Estévez, de primeiro ciclo do C.E.P. de Riomaior (Vilaboa), pola composición 'O sol e a lúa'; Iván Couso Campos, por 'Romance do xurelo e a sardiña', de segundo ciclo do C.E.P.; Marcos da Portela, de Monte Porreiro (Pontevedra); e Vanesa Froiz Campos, por 'Romance do lobo namorado', de terceiro ciclo do mesmo colexio Marcos da Portela.
Recaéron os accésits nos poemas 'O mar', de Uxía Lorenzo Figueroa, de priemeiro ciclo do C.E.I.P. Vidal Portela; 'Tremoedo', de Alba Santos Pérez, de segundo ciclo do C.E.I.P. San Bartolomeu de Tremoedo (Vilanova de Arousa), e 'Hai un barquiño veleiro', de Estefanía Collazo Val, de terceiro ciclo do C.E.I.P. Santo André de Xeve (Pontevedra).
Os alumnos premiados, ademais de recibir a cantidade de 90 euros polo premio e 60 euros polo accésit, realizarán unha viaxe formativa ás casas museo de Valle-Inclán, en Vilanova de Arousa, e Rosalía de Castro, en Padrón.
A entrega de premios realizarase o vindeiro día 15, xoves, ás seis de la tarde, no salón de actos do edificio 'Fernández López' do Museo.
|
