| |  | | | | | O presidente da Deputación de Pontevedra, Rafael Louzán, propuxo hoxe no Congreso Nacional de Estradas Locais que ten lugar en Pontevedra fórmulas de participación público-privadas para financiar a rede de estradas provinciais. REMITIDA. | | | |
O presidente da Deputación de Pontevedra, Rafael Louzán, propuxo hoxe no Congreso Nacional de Estradas Locais que ten lugar en Pontevedra fórmulas de participación público-privadas para financiar a rede de estradas provinciais.
Louzán sinalou que esa proposta ven derivada do momento de crise económica e da prevista redución dos Fondos Feder e de Cohesión "estas dúas circunstancias condicionan gravemente os plans de inversión das Administracións Públicas e por iso hai que buscar novas vías de financiación que permitan manter e incrementar o ritmo inversor nas nosas infraestruturas viarias pois son un elemento clave para dinamizar a economía, para a competitividade e para o futuro", dixo.
Na súa proposta, indicou que a fonte tradicional para financiar a rede de estradas foran os fondos públicos pero dixo que "cada vez é máis frecuente recorrer por parte da Administración a outras fontes, a través de xeitos de participación públicos e privados". Louzán afirmou que xa se puxeron en marcha experiencias de sistemas de concesión de obra pública, de conservación e explotación da rede. Nestas fórmulas, encomendase ó concesionario construír unha serie de actuacións e realizar a conservación e explotación integral da vía. Pola súa banda, a Administración inspecciona que a prestación do concesionario se axuste ó pactado e abona a este o canon que se establece en función da demanda -a "peaxe na sombra"-, do nivel de dispoñibilidade de vía (establecendo índices de calidade do servizo) ou ben de sistemas que incorporen ambas variables.
Segundo explicou, a posta en marcha destes sistemas require redactar un estudio de viabilidade da concesión que, unha vez feito, permita á Administración seleccionar as actuacións que deben ofertar os licitadores redactando os proxectos. Unha vez definidas as actuacións, a Administración licita a concesión, analiza ofertas e adxudica o contrato, adicándose, perante a etapa de explotación, a xestionar e controlar a concesión.
Na proposta formulada hoxe ante os 300 congresistas que participan no Novo Museo de Pontevedra no Simposio Nacional de Vías e Obras Locais, Louzán destacou que un sistema parecido foi ensaiado por varios organismos provinciais, sendo o pioneira a Deputación de Toledo. No Congreso toman parte responsables do Ministerio de Fomento e de varias deputacións españolas, empresarios, enxeñeiros e profesores de universidades do Estado, entre outros.
|
