| |  | | | | | A rolda de visitas, iniciada este martes polos empresarios da provincia, continuará en vindeiras datas con representantes de varios Colexios Oficiais e Profesionais. REMITIDA. | | | |
Preto de corenta empresarios da provincia de Pontevedra visitaron este martes o novo Museo de Pontevedra e a Escola de Canteiros, acompañados polo presidente da Deputación, Rafael Louzán, e os vicepresidentes José Manuel Figueroa, Teresa Pedrosa e José Juan Durán. A visita enmarcase nunha nova iniciativa da institución provincial para dar a coñecer o Patrimonio Provincial a entidades e colectivos de distintos sectores sociais, culturais, económicos e empresariais da provincia.
A rolda de visitas, iniciada este martes polos empresarios da provincia, continuará en vindeiras datas con representantes de varios Colexios Oficiais e Profesionais. As visitas teñen por obxecto achegar a estes colectivos tanto o Novo Museo de Pontevedra, que Louzán definiu como "escaparate da cidade e da provincia de Pontevedra", como a Escola de Canteiros e outros organismos e centros pertencentes á Deputación de Pontevedra.
Na súa intervención ante os empresarios, Louzán indicou que pretendía "abrir ós colectivos da cidade, da provincia e de Galicia os centros e organismos do patrimonio público da Deputación para ofrecer os seus servizos, potenciar os seus recursos e implicalos na sociedade". Neste senso, destacou as posibilidades do novo museo para acoller actos sectoriais e profesionais polas súas condicións e de proxección ou a Escola de Canteiros pola relación profesional que mantén coas empresas e as posibilidades de inserción laboral de persoal cualificado que ofrece.
Os empresarios que participaron na xira polos centros da Deputación figuraban Fernández Alvariño, Ramón Búa, Eugenio Buján, Luis Novoa, Encarna Álvarez, José María Rodríguez, Amparo Salgueiro e Pilar Blanco Tuimil (CEP), Xosé García Bangueses (FECIMO), Gonzalo Figueiras (A Estrada), José Besada (EMGROBES), José Mañas (AEMOS), Francisco Raúl Alonso (ATEIA), Bonifacio Logares (ACOESPO), Reinaldo Iglesias (ARVI), José Antonio Fernández (APEC), Javier Martínez (ASIME), Miguel Font (APROIN), José Alonso (INSTALECTRA), Enrique Fontán (ATRA), Carmen García Braga (ACIGU), Jorge Álvarez Bautista (ACITUI), David Sobral (Porriño), Antonio Reguera Repiso (Federación de Comercio), José María Barbosa (ASEHOSPO), Pedro Regojo e Alberto Rocha (Confección), José Antonio Gómez (Redondela), Andrés Quintá (AEVU), Hermenegildo Novoa (AEMPE), Teresa Vidal (APE), Esther Collazo (FECIMO) e Manuel Álvarez (BRUESA).
|
