A Deputación de Pontevedra entrega á Banda de Música de Goián o premio acadado na 2ª edición do Certame Zonal de Bandas

O vicepresidente da Deputación, José Juan Durán, entregoulle á Banda de Música de Goián o premio que a agrupación acadou no II Certame Zonal de Bandas Deputación de Pontevedra. REMITIDA.

O vicepresidente da Deputación e deputado delegado de Cultura, José Juan Durán, entregoulle este mércores á Banda de Música de Goián o premio que a agrupación acadou no II Certame Zonal de Bandas Deputación de Pontevedra celebrado no sur da provincia.

Concretamente, a Banda de Goián, dirixida por David Pérez Trigo, acadara o primeiro premio da sección terceira, derrotando a Banda de Música Municipal de Arbo, que logrou o segundo lugar e a Banda de Música de Chapela a terceira posición.