15/05/2008 Salvaterra recibirá 156.000 euros do Plan de Saneamento e Abastecemento A Xunta de Goberno da Deputación acordou onte concederlle ó Concello de Salvaterra de Miño unha subvención de 156.424 euros do Plan de Saneamento e Abastecemento para a execución da obra de saneamento de Gaiamonde-Chan da Igrexa-Fonte Arcade e Rial, en Pesqueiras.
15/05/2008 Louzán presenta "o proxecto definitivo de circuito de velocidade de Galicia" O presidente da Deputación, Rafael Louzán, presentou onte o Estudo de Viabilidade do Circuíto de Velocidade que a institución provincial proxecta construír entre os municipios de Pazos de Borbén e Mondariz. Para a posta en marcha deste "Circuíto de Velocidade das Rías Baixas", denominado así por Louzán, o organismo conta co asesoramento do campión do mundo de motociclismo, Jorge Martínez Aspar, experto neste tipo de infraestructuras.
14/05/2008 Máis de cen persoas de Ponteareas, Meaño y Vigo visitan o Pazo Provincial co programa 'Coñece a túa provincia' Os vicepresidentes provinciais José Manuel Figueroa e José Juan Durán recibiron esta mañá no Pazo da Deputación a un total de 104 integrantes das asociacións de Mulleres Rurais 'A Telleira' de Meaño, Agustina Sarmiento de Ponteareas e Veciños de Pontenova Freixeira de Vigo, que participaron hoxe na novena xornada das rutas do programa 'Coñece a túa provincia' que promove a Deputación de Pontevedra. En total, nesta primeira convocatoria do programa, participarán 5.000 persoas procedentes de 131 asociacións.
14/05/2008 A Deputación colabora con 30.000 euros nas obras de remate da vivenda comunitaria que Autismo Vigo posúe en Gondomar A Xunta de Goberno da Deputación aprobou hoxe a sinatura dun convenio de colaboración coa Asociación Autismo Vigo a través do cal o organismo provincial financiará con 30.000 euros a finalización das obras da vivenda comunitaria 'O Salgueiro'.
13/05/2008 A Deputación difunde a Cultura Galega con varios actos culturais ó longo da Semana das Letras O vicepresidente provincial, José Juan Durán, presentou onte as actividades conmemorativas que a Deputación de Pontevedra desenvolverá ó longo desta semana co gallo da celebración do Día das Letras Galegas.
