|  | | | | | Roi e o pallaso. REMITIDA | | | |
A produtora galega nbek e caChuzo teatro convocan un casting para atopar o protagonista da súa nova produción 'Game Over'. O espectáculo é unha adaptación da obra de Carlos Losada que acadou o Premio Manuel María 2007 de literatura dramática infantil (IGAEM, Consellería de Cultura e Deportes).
Segundo un comunicado da produtora, as probas de selección realizaranse en Santiago de Compostela a finais de maio, e a elas están convocados todos os actores e actrices novos maiores de 16 anos, que desexen dar vida a "ROI", o neno de dez anos protagonista desta obra. Os interesados poden apuntarse chamando o teléfono 654 867 554 ou polo correo mailto:calaco@nbek.org
A posta en escena de 'Game Over' mestura coreografías, cancións e proxeccións de animacións dunha grande plasticidade que creará un espectáculo visual único, dirixido ao público infantil e familiar. A dirección correrá a cargo do propio autor e será estreada o día 3 de outubro de 2008 no Salón Teatro de Compostela. | 
