|  | | | | | Museo Liste. REMITIDA. | | | |
Museo Liste dedica esta semana unha programación especial a conmemorar o Día das Letras Galegas e o Día Internacional dos Museos. Dende o día 13 ata o día 18 o acceso ó Museo será de balde e nestes días os visitantes desfrutarán de visitas guiadas, poderán ve-lo "Maio" e para os máis pequenos haberá xogos, enredos e actividades en relación coa figura de X.M. Alvárez Blázquez.
O Museo Liste de Vigo, situado na rúa Pastora 22, ten como principal obxectivo o coñecemento e a difusión do patrimonio etnográfico galego.
O Museo, instalado nunha vivenda unifamiliar remodelada de mediados do século XX, distribúese en catro andares e once salas que reflicten aspectos significativos da identidade de Galicia.
Nove salas de exposición permanente exhiben máis de 2.000 pezas a través das cales o visitante percorre os oficios artesanais galegos, a cultura do cultivo do centeo, a roda tradicional, os peches, os tecidos, a madeira escavada, a luz, a materialidade da fe e a arte de curar. |
