|
O presidente da Deputación de Pontevedra, Rafael Louzán, e o vicepresidente e portavoz do Grupo Popular na institución provincial, José Manuel Figueroa, manifestaron hoxe o seu apoio ó nomeamento de Vigo como sede do Campionato Mundial de Fútbol do 2018, e á mellora e remodelación do Estadio de Balaídos para adaptalo ás esixencias da FIFA.
Na súa intervención no pleno da Corporación Provincial ofreceron ós partidos da oposición aprobar unha moción conxunta para constituir unha Mesa de Traballo sobre a remodelación de Balaídos na que estivesen representados os tres grupos da corporación municipal viguesa e a Deputación Provincial.
Unha mesa que tivese unha triple finalidade: conocer o proxecto que o grupo municipal do BNG presentou en rolda de prensa pero que, a día de hoxe, o grupo do PP descoñece por completo; dialogar sobre as aportacións económicas para realizar a obra; e contemplar a financiación pública e privada do novo estadio.
A 'insensatez' dos 20.000 millóns das antigas pesetas á conta da Administración
Figueroa indicou que, á marxe de que o actual portavoz do BNG en Vigo foi Director Xeral de Deportes no bipartito e "non moveu un papel" neste asunto, "agora o BNG presenta un proyecto ós medios, sin darlle conta a ningún grupo, que cifra en 20.000 millóns das antigas pesetas a aportación das Administracións Públicas para o novo estadio". O portavoz popular calificou esa iniciativa "dunha insensatez nestes tempos de profunda crisis que afecta a tantísimas familias que consideran prioritario solventar os problemas de paro e non un novo estadio".
Engadeu que o BNG presentaba unha moción no pleno da Deputación "porque sabe que é irrealizable o seu proxecto e non busca máis fin que quedar ben>. O portavoz do PP na Corporación Provincial sinalou que unha obra desa magnitude, nestes tempos, só poderá ser abordada con fórmulas público-privadas -que asegurou que a súa formación tiña contempladas para cando gobernase e que ofreceu ós outros grupos
-e non "tirando dos cartos públicos".
Como as propostas formuladas por Figueroa non foron aceptadas polo BNG, o grupo popular votou en contra dos termos da moción defendida polo concelleiro Javier Alonso en relación co investimento da Deputación no proxecto do novo Balaídos.
| 
