|  | | | | | Cuartel da PolicÃa Local. J.C. | | | |
O concello de Redondela ampliará a plantilla da Policía Local en dous membros para a tempada de verán, concretamente serán contratados dous axentes por un período de catro meses, segundo explicou o concelleiro responsable da Policía Local, Eduardo Reguera, que asegurou que espera que "comecen a prestar o servizo o vindeiro mes de xullo".
O concello tamén ten previsto aumentar nun membro máis as prazas de policías do concello de Redondela, xa que se está tramitando unha nova incorporación, que encontrou diversas dificultades porque o longo do pasado ano modificouse a lexislación, polo que a oferta de contratación tense que adaptar os novos requerimentos legais. Reguera prevé que esta cuestión se resolva "antes de finais de ano".
A actual plantilla da Policía Local de Redondela está integrada por 28 membros, que se ven reducidos a 26 por diversas circunstacias especiais de dous axentes. Dos 26 membros activos, sete están de baixa, o que limita de forma considerable a capacidade dos axentes municipais, que teñen tres turnos o longo do día en atención continuada. O concelleiro, Eduardo Reguera, asegura que "o alto número de baixas non se debe a ningunha causa especial", e que "a pesar de que o número é moi alto descoñecesmo os motivos", sendo as baixas de "diversa duración e características".
Baixa delincuencia
En resposta as críticas da semana pasada, Reguera asegurou que o concello de Redondela ten o índice de delincuencia máis baixo de Galicia entre os concellos de máis de 20.000 habitantes, sen embargo, recoñeceu que "polas características do concello e pola súa dispersión a plantilla é un pouco escasa". En canto as pintadas e roturas de papeleiras o concelleiro responsable da Policía Local asegurou que "é máis un problema de educación que de vixiancia", xa que "é unha problemática existente en tódolos lugares".
|
