|  | | | | | Louzán e González Solla trataron hoxe da remodelación do auditorio co arquitecto Manuel MartÃnez. REMITIDA | | | |
O presidente da Deputación de Pontevedra, Rafael Louzán, reuniuse esta mañá co alcalde de Ponteareas, Salvador González Solla, e co arquitecto Manuel Martínez para estudar a posibilidade de colaborar na acometida da remodelación integral do auditorio Reveriano Soutullo.
Segundo un comunicado da Deputación, as actuacións que se acometerán sobre o edificio, que logo de case vinte e cinco anos de existencia comeza a atoparse obsoleto, consisten na adecuación das instalacións á normativa vixente, na dotación de saídas de emerxencia e accesos para minusválidos, na renovación de mobiliario e do sistema de iluminación e ventilación, así como da mellora da acústica do local.
En verbas do arquitecto, Manuel Martínez, "a obra reviste unha gran importancia, xa que se trata dun edificio emblemático, e, ó mesmo tempo, dun elemento urbano. Temos de adaptalo ás esixencias de hoxe, non só a nivel de normativa, que son moitas, senón tamén a nivel de calidade e de proxecto. O que se pretende é transformalo auditorio nun edificio vivideiro polas persoas, mellorando as condicións de iluminación e ventilación e de accesibilidade".
A este respecto, o alcalde, salientou que "é fundamental que todas as persoas maiores e con discapacidade teñan acceso ó auditorio, como espectadores e como protagonistas. Queremos que non haxa ningunha limitación para que ninguén deixe de desfrutar deste edificio público".
González Solla salientou, por último, a utilización de espazos actualmente en desuso, como a sala de exposicións que se reconverterá en aula de ensaio, "pola súa situación estratéxica".
O proxecto entregarase no presente mes de xullo e será licitado con carácter urxente. |
