|  | | | | | Os ecoloxistas lembran que xa no ano pasado este lugar resultou non apto para o baño nalgunha das análises. REMITIDA. | | | |
A praia fluvial de San Roque-Os Remedios, en Ponteareas, non é apta para o baño, segundo as primeiras análises da Consellaría de Sanidade da Xunta de Galicia. O Grupo Ecoloxista Adenco denuncia, a través dun comunicado, "a pouca consideración que o concello ten de cara a resolver os problemas de contaminación que continuamente se veñen repetindo nunha zona declarada como Lugar de Interese Comunitario e incluída na Rede Natura 2000".
Os ecoloxistas lembran que xa no ano pasado este lugar resultou non apto para o baño nalgunha das análises que realizou a consellaría e a praia das Partidas, en Moreira, revogouse por ser non apta para o baño durante tres análises consecutivas. Adenco asegura que concello non cumpre coa normativa existente no referente a publicitar a existencia das respectivas praias fluviais ou, no caso contrario, a non existencia, como, neste ano, "indicando que a praia das Partidas non é, para a Consellaría de Sanidade, unha praia fluvial, e, por tanto, non está controlada nas análises periódicas".
O concelleiro de Medio Ambiente, Víctor Sebastián, dixo non ter coñecemento de nada "porque ata agora o concello non recibiu ningunha información de Sanidade". De ser certo que esta praia non é apta para o baño, se instalará un letreiro "para evitar que a xente se bañe e despois facer outras análises".
|
