¡Ai Francés que malos resultados! Xa dicía eu que andabas decaído e meditabundo e agora máis ca nunca. Os 1.396 votos destas eleccións son ‘moito pouco’ –como din no pais irmán- comparados coas municipais de maio de 07, daquela 2.916. E aínda son menos cos 1.448 das xerais de 2004.
Raúl, botemos unha ollada a como quedaron os teus compañeiros alcaldes da área metropolitana cos que vas aos mitins de Quintana, respecto as xerais de hai 4 anos. O alcalde de Bueu sube de 1300 a 1500; o de Salceda de 596 a 884; a de Tomiño, Sandra, de 750 a 1.255, en cambio, ti perdes 50 votos con mais censo de votantes. ¡Pero, home, isto non pode ser! Raúl Francés é o único alcalde que baixou con respecto as Xerais anteriores. Se todos aportasen coma ti, Olaia non estaría de vacacións e fóra do Congreso
¿E no Senado? Pois, mira, Rauliño, a primeira candidata bloqueira, Iria Aboi Ferradás (que non a coñece ninguén no Porriño e parte do país) conseguiu 300 votos máis ca ti. En total 1.652 votos. É dicir, hai xente que botou ao BNG para o Senado en non a papeleta onde ía Raúl Francés cos demais alcaldes e preferiu a unha descoñecida, Iria Aboi Ferradás. ¿Por qué Raúl, por que? Todo isto acostuma ser ao contrario.
Por outra parte, o socialista Iván Vaqueiro tamén tivo menos votos para o Senado -600 votos menos-, dos que votaron socialista para o Congreso dos Deputados.
E repito, Francés está preocupado, moi preocupado. ¿Estará preocupado por outros asuntos de investigación no Concello?
| O sorriso de Francés non é o das pasadas municipais. |
Sobre o PP temos que dicir que os 4.951 votos contrastan cos 2.383 conseguidos por Manuel Carrera nas últimas municipais. ¿Qué explicación terá isto? De acordo, no é o mesmo as xerais que as municipais pero si que marcan tendencias. ¿A xente que quere ao PP tamén quere a Carrera? Non sei que logo se cabrean… saquen vostedes consecuencias.
Unhas declaracións de última hora de Manuel Carrera chégannos á redacción. ¡Mira ti que coincidencia! E para o ‘popular’ a razón é que nas municipais hai máis partidos de dereita e, claro, ao PP tócalle a menos. E o razoa dicindo que incluso nas Xerais anteriores foron 5.015 votos. Ben, entón, comparemos: ¿Por que Barros nas municipais de 2003 conseguiu 4.050 votos e Carrera en 2007, tamén nas municipais, 1.667 votos menos? ¡Amigo!
gargantaprofunda@vigometropolitano.com |
